uts | notifications

Covid-19: Sea Prepará

Apresiabel Kliente i Partnernan,

Ku e plamamentu di Corona virus (COVID-19), nos ta konfrontando un situashon ku nunka promé nos a yega di eksperiensiá. Desaroyonan ta tumando lugá rápidamente i desishonnan ta ser tumá ku ta afektá nos koleganan, nos famianan i nos komunidat en general.
Un kos ku ta keda konsistente i ku ta krusial den e tempunan desafiante akí, t’e abilidat pa bo por keda komuniká i konektá ku bo sernan kerí i hasi bo negoshi lo mihó ku ta posibel.
Nos tim di liderasgo ta reuniendo kontinuamente pa kalkulá i respondé na un manera apropiá n’e situashon, i nos ta operando konforme guiansa di gobièrnu lokal i outoridatnan públiko di salubridat.
Ademas nos tin kapasidatnan ekstenso di kolaborashon online, i nos ta trahando inkansablemente pa yuda tur hende keda sigur, i na mes momentu sigui sirbi bo.
Por fabor wak e medidanan akibou ku nos ta tumando pa yuda bo keda konektá, i tambe algun informashon tokante kon bo por tuma kontakto ku nos.

Salú i Seguridat:

E salú i seguridat di nos klientenan i empleadonan ta primordial i nos ta orguyoso di tin e stándartnan di seguridat di mas haltu den nos indústria. Awor nos a tuma akshonnan adishonal:

  • Oumento di limpiesa di nos stores i ofisinanan na tres biaha pa dia.
  • Limpiesa frekuente di portanan, tonbanknan i otro puntonan di kontakto frekuente.
  • Duna training i material na nos empleadonan i timnan eksterno pa tene nan sigur den kaso ku nos mester instalá òf hasi chekeo di servisio den bo kas.
  • I nos ta siguiendo tur guia di organisashonnan di salubridat lokal i World Health Organization.

Stores:

N’e momentu akí nos stores ta kompletamente operashonal i lo keda habrí, pero por fabor chèk nos orarionan promé ku bai un store, pasobra eseinan por kambia a korto plaso.

Manteniendo nos Ret:

Nos tin e retnan di mas fuerte, rápido i konfiabel den Karibe Hulandes i nos ta oumentando nos kapasidat i speed pa por akomodá e oumento antisipá den demanda.
Nos a aktivá tambe nos plan di emergensia i nos timnan tékniko lo ta trahando dia i anochi pa tene abo, bo sernan kerí i bo negoshinan konektá.
Nos ta huntu ku bo.

Summary: 
Ku e plamamentu di Corona virus (COVID-19), nos ta konfrontando un situashon ku nunka promé nos a yega di eksperiensiá. Desaroyonan ta tumando lugá rápidamente i desishonnan ta ser tumá ku ta afektá nos koleganan, nos famianan i nos komunidat en general.